OS NOSOS CONTOS

DURANTE ESTE TRIMESTRE, MAURO TROUXO UN CONTO, QUE NOS LEU NA CLASE.

TRATABA DUNHA TOUPIÑA MOI CURIOSA.

IRIA TAMÉN NOS LEU UN CONTO MOI DIVERTIDO, QUE NOS ENCANTOU.

FIXÉCHELO MOI BEN!!

TRABALLANDO COAS PALABRAS

DURANTE ESTE TRIMESTRE, NA CLASE DAS FORMIGAS ESTIVEMOS TRABALLANDO COAS PALABRAS.

AGORA TEMOS UN CADERNO PARA AS NOSAS PALABRAS FAVORITAS. ALÍ ANOTAMOS AQUELAS QUE NOS PARECEN MÁIS IMPORTANTES.

CHEGAMOS AO FINAL DO 2º TRIMESTRE.

ESTA SEMANA ESTIVEMOS PREPARANDO AS NOSAS BOLSAS, NAS QUE LEVAR OS TRABALLOS QUE FIXEMOS.

FIXEMOS UN COELLO DE PASCUA, CON CD RECICLADOS.

TAMÉN PENSAMOS NUNHA CARPETA DE PRIMAVERA E ESTE FOI O RESULTADO FINAL.

21 DE MARZO: DÍA DA POESÍA.

 HOXE NO COLEXIO FESTEXAMOS O DÍA DA POESÍA.

OS ALUMNOS DE INFANTIL PREPARAMOS UN POEMA DE ANTONIO GARCÍA TEIJEIRO, QUE, ADEMAIS, NOS SERVIU PARA TRABALLAR OS DÍAS DA SEMANA.

DESPOIS, RECITÁMOSLLO A TODOS OS NENOS E MESTRES DO CENTRO...CUNHA POUCA DE VERGOÑA.

O LECTOR DO MES DE FEBREIRO.

ALEX, DA CLASE DAS ABELLAS, FOI O LECTOR DO MES DE FEBREIRO E LEO, A MASCOTA DA BIBLIOTECA, FÍXOLLE UNHA ENTREVISTA.

PODEDES LELA, ENTRANDO NO BLOG DA BIBLIOTECA OU PINCHANDO AQUÍ

PARABÉNS, ALEX!!!

O LIBRO VIAXEIRO DO CENTRO.

DURANTE ESTAS DÚAS SEMANAS, A CLASE DAS FORMIGAS ESTIVO PREPARANDO A SÚA PARTE DO CONTO VIAXEIRO.

INVENTARON E ESCRIBIRON UN EPISODIO DAS AVENTURAS DAS NOSAS ABELLAS PROTAGONISTAS E FIXERON UNHA ILUSTRACIÓN, PARA ACOMPAÑAR O SEU RELATO.

HOXE REMATARON O SEU TRABALLO E LEVARONLLE O CONTO Á CLASE DE 2º DE PRIMARIA, QUE AGORA TERÁN QUE CONTINUAR A HISTORIA.

BO TRABALLO DAS FORMIGAS!!!!

15 DE MARZO: DÍA MUNDIAL DOS DEREITOS DO CONSUMIDOR.

APROVEITAMOS O DÍA MUNDIAL DOS DEREITOS DO CONSUMIDOR, PARA CREAR ESTES PANEIS, XUNTO ÁS PAPELEIRAS E QUE, ASÍ, TODOS RECORDASEN FACILMENTE QUE COUSAS VAN EN CADA UNHA DELAS.

 SEPAREMOS BEN, RECICLEMOS MELLOR!!!

OS MOCHILEIROS.

MAURO XA ESCOLLEU A SÚA MOCHILA VIAXEIRA!!!

CAILLOU, AS TARTARUGAS NINJA, O SOÑO DUNHA NOITE DE SAN XOÁN...

UN POUCO DE TODO PARA PASAR UNHA SEMANA ENTRETIDA EN FAMILIA.

ANTÍA ELIXIU O MIKADO, OUTRO XOGO DE CAILLOU, O PINGÜÍN EMPERADOR, O LIBRO DOS LABIRINTOS EXIPCIOS...

ESPERAMOS QUE O PASES MOI BEN COA TÚA FAMILIA.

SEMANA DA PRENSA: DO 9 AO 13 DE MARZO.

 ESTA SEMANA ESTIVEMOS TRABALLANDO COS XORNAIS.

NA CLASE DAS ABELLAS, APRENDEMOS ALGÚNS DOS SEUS NOMES; VIMOS AS SÚAS PARTES; LEMOS NOTICIAS...

TAMÉN ANALIZAMOS AS DIFERENTES PARTES DAS NOTICIAS (QUE, QUEN, CANDO, ONDE, POR QUE E COMO)...

 E FINALMENTE ESCRIBIMOS A NOSA PROPIA NOTICIA.

 FIXÉMOLO DE DOUS EN DOUS NO ORDENADOR PORQUE XA O SABEMOS USAR MOI BEN E, ASÍ, AXUDÁMONOS UNS AOS OUTROS.

 QUEREDES SABER QUE NOTICIA FOI A QUE FIXEMOS ENTRE TODOS????

TEREDES QUE ESPERAR A QUE VOS VISITE A MOCHILA VIAXEIRA!!!!!

8 DE MARZO: DÍA DA MULLER TRABALLADORA

HOXE ALGUNHAS DAS ABELLAS CONTARON QUE SÚAS NAIS NON TRABALLABAN EN NADA, CANDO LLES PREGUNTAMOS POLO SEU OFICIO, QUE FACÍAN.

DESPOIS DE FALAR E REFLEXIONAR UN BO ANACO, VIMOS QUE, AÍNDA QUE NON TIVESEN UN XEFE FÓRA DA CASA, TRABALLABAN MOITÍSIMO!!!!

FANLLE A COMIDA ÁS PEQUENAS ABELLAS, LIMPAN, COIDAN O XARDÍN, PLANTAN PATACAS, COIDAN AS OVELLAS...

ASÍ QUE, SÓ PODEMOS DICIR:

MOITAS GRACIAS A TODAS AS MAMÁS POLO SEU ENORME ESFORZO!!!!

AS MOCHILAS

RAÚL VOLVEU SER O AFORTUNADO MOCHILEIRO, DA CLASE DAS FORMIGAS.

DESTA VEZ, LEVOU PARA A CASA O XOGO DAS 7 FAMILIAS, A REVISTA DE SPIDERMAN E A CLIFFORD.

AARÓN, DA CLASE DAS ABELLAS, ESCOLLEU O LABIRINTO VERMELLO, A REVISTA DAS TARTARUGAS NINJA E UN DOS XOGOS DE CAILLOU.

PARA SABER MÁIS.

HOXE COÑECEMOS A NOVA INVESTIGACIÓN PLANTEXADA NO "PARA SABER MÁIS".

TEMOS QUE AVERIGUAR QUE PASA O 15 DE MARZO E COMO PODEMOS CONTAMINAR MENOS.

AXUDÁDESNOS DESDE A CASA????




DESPOIS DE VARIOS DÍAS, XA TEMOS AS NOSAS RESPOSTAS ESCRITAS E LISTAS PARA ENTREGAR.

O CONTO DE HOXE

XAVI HOXE TROUXO A CLASE O SEU LIBRO JUEGA AL ESCONDITE CON LOS TRENES. LEUNOS O CONTO E DIVERTÍMONOS MOITO CON EL.